CHOZI LA PENZI.

 

Jina penzi litajwapo, kila mmoja hupiga taswira ya kile alichopitia ndani yake. Wengi wanapenda kwa maana hawajatendwa, wengine wanahofu, yasirejelee yaliowakuta awali na bado wapo wasio na Imani tena, kwa maana walishatendwa, wakalizwa, wakajeruhiwa na kuachiwa majeraha yasiyopona, na kwa wale waliopona, waliachwa na alama, alama ziishizo kuwapa kumbukumbu za awali milele.

Waswahili wanasema, yaliyopita si ndwele tugange yajayo. Lakini, watayaganga vipi wakati nyoyo zilishalemaa? Wakati picha za akili, daima zinawapa kumbukumbu ya kusalitiwa, kudharauliwa na kutodhaminiwa na watu walio ishi kesema 'nakupenda' na kamwe sijapata kama wewe? 

Inauma. Lakini, hivi Mapenzi ninini? Mbona upende leo na kesho uchukie? Mbona usifu leo na kesho ukashifu? Mbona? Ama kwakweli, huu ndio mtindo wa mapenzi unaotumika na kupatikana ndani ya vyuo vikuu. Sisemi kwamba nje watu wanapendana asilimia 100, la hasha! Tumeshuhudia nyingi za ndoa zikisambaratika, kisa na maana 'mpango wa kando'. Wanasema ukistaajabu ya Musa, utaona ya Firauni. Mengi ya tunayoyashuhudia nje, chanzo ni mtindo wa mahusiano uliopo ndani ya vyuo vikuu. 

Ni mara ngapi tumesikia au hata kushuhudia watu wakijitia vitanzi, chanzo mapenzi? Hii ni dhahiri kwamba wapo watu walio na mapenzi ya dhati, lakini wanakosa wakuwapenda kwa dhati kama wapendavyo wao. Hizi ni nafsi na nyoyo ambazo baadae zinakosa Imani tena na penzi na hata kuishi maisha ambayo hawakukusudia au kutamani. Yaani mtu anapenda kwa dhati, anajitolea kwa Hali na Mali lakini mwisho wake anasalitiwa na mpenziwe, anavunjwa moyo, analizwa, anadunishwa kiasi cha kutoona dhamani yake tena. Hapa ndipo visa vya kujitia kitanzi au hata kumtia kitanzi mpenziwe zinachipukia. Upendo na Utu uliokuwa ndani ya mtu huyu mwaminifu, unamtoka na kuingia unyama, kutojali na mtu anakata kauli ya kuishi atakavyo, kutopenda tena au hata kuandaa visasi. Watu wazuri wanabadilika huku idadi ya wazuri ikizidi kudidimia. Huenda waliosalia, wanahesabika. 

Vyuo vikuu vimekua ni vyanzo vya haya yote. Nafsi nzuri zakupendeza na kutamanika, zimeishia kaburini, huku zingine zikibadilika, ili zilipize visasi. Kinachouma na kinachosikitisha mno ni kwamba, visasi hivi vinalipizwa kwa nafsi zingine zisizonahatia, tena nafsi nzuri ambazo baadae zinaishia kaburini au kubadilika na kuwa mbaya hata zaidi. 

Je, ni nani ata zungumza na nafsi hizi zilizoko ndani ya vyuo vikuu, ili vizazi vingine vijavyo viwe kama wazazi wetu? Vikundi vibaya vya marafiki, vinazidi kupotosha nafsi njema na hivyo kesho, huenda kukawa kubaya hata zaidi. 

Kaburi imewameza wengi, tena wasio na hatia. Hatia kubwa walio fanya, ni kupenda kwa dhati. Miji na vijiji vimejaa watu waliotendwa, wasio penda na wakipenda basi hawapendi kwa Mapenzi bali kwa mali wafaidikayo kwayo. 

Lakini ni na Imani, kuwa kizazi kilichoko ndani ya vyuo vikuu, kikipenda kwa dhati, kirejeshe uaminifu, kidhamini mahusiano, basi kesho kutakua na mwanga, ndani ya marafiki, wapenzi, wanandoa na familia kwa ujumla. Inawezekana. 

 

                                          By Steve Kinyanjui.